(+994 51) 201 40 03 | Həftə içi 5 gün, saat 09:00 - 18:00

News 10.02.2021

VERO yenilənmiş saytını təqdim etdi

Azərbaycanda tərcümə sahəsinin inkişafı və yeni tərcüməçilərin formalaşması üçün səy göstərən VERO Translation yenilənmiş veb-saytını təqdim etdi. Yenilənmiş saytı Marcom Marketinq və Kommunikasiyalar şirkəti hazırlamışdır.

VERO Translation şirkətinin direktoru Əli Əhmədov görülmüş işlərlə bağlı öz fikirlərini bildirdi: “Marcom-la əməkdaşlığımızı yüksək qiymətləndiririk. Şadam ki, layihənin uğurla tamamlanması istiqamətində bizə dəstək olmaqla yanaşı, məsələnin texniki tərəfi ilə bağlı da bizi maarifləndirirdilər. Düşünürəm ki, bu bir başlanğıcdır və əməkdaşlıq imkanlarımızı daha da genişləndirə biləcəyik. Marcom-un tərcümə sektorunda təqdim etdiyi unikal həll və monetizasiya yolları bizim gələcək planlarımızla uyğunluq təşkil edir. Biz bu istiqamətdə əməkdaşlığı davam etdirməkdə maraqlıyıq.”

Marcom şirkətinin icraçı direktoru Ceyhun Fərzəliyevin sözlərinə görə veb-sayt üzrə işlərin birinci mərhələsi uğurla tamamlanmışdır. “Tərcümə sahəsində Google standartlarına uyğun veb-layihə hazırlamaq bizim üçün böyük əhəmiyyət kəsb edir. Layihənin icrası prosesində istifadəçilərin davranış qaydalarını və şirkətin fəlsəfəsini maksimum şəkildə nəzərə almağa çalışmışıq. VERO üçün təqdim etdiyimiz administrator paneli 90%-lik funksionallığa malikdir ki, bu da müştərinin saytda dəyişikliklər etməyinin sərbəstliyini daha da artırır. Növbəti mərhələdə saytın Google axtarış sistemində yuxarı sıralara çıxması istiqamətində SEO Optimizasiya işlərinə start verməyi planlaşdırırıq.”

Qeyd edək ki, VERO Translation şirkətinin əsas fəaliyyət prinsiplərindən biri Azərbaycan tərcümə sahəsində həm texnologiyaya, həm də insan kapitalına ciddi sərmayə qoymaqdır. Şirkət yerli bazarda həm dövlət qurumlarına, həm də özəl şirkətlərə yazılı və şifahi tərcümə xidmətləri göstərməkdədir.

Son xəbərlər

news 21.12.2020

VERO yeni loqosunu təqdim etdi

Tərcümə sahəsində insan kapitalına və texnologiyaya sərmayələri ilə seçilən VERO Translation yeni korporativ dəsti-xəttini təqdim etdi.

Ətraflı
news 04.03.2021

VERO Marcom şirkəti ilə əməkdaşlıq edəcək

Azərbaycanda yerli və xarici şirkətlərə 10-dan çox tərcümə növlərində xidmət göstərən VERO Translation Marcom şirkətinin.....

Ətraflı
news 08.04.2021

VERO Translation şirkəti xidmətlərini vizuallaşdırdı

Azərbaycan tərcümə sahəsində 5 ildən çox fəaliyyət göstərən VERO Translation şirkəti xidmətlərinin ikonalarını təqdim etdi.

Ətraflı