Tərcümə sahəsində “hər bir müştəriyə fərdi yanaşma” söz birləşməsi tam olaraq yerinə düşür. Çünki biz hər bir müştərinin təqdim etdiyi mətni onun şirkətinin fəaliyyət istiqamətinə, ruhuna və dəyərlərinə uyğun tərcümə edirik. Bu isə həqiqətən də fərdi yanaşmadır.

Biz hər sahənin öz terminologiyası olduğunu yaxşı anlayırıq. Sözün və ya cümlənin Sizin sahəyə nə qədər uyğun gəlib-gəlmədiyini müəyyən etmək üçün onun bütün tərcümə variantlarını nəzərdən keçiririk. Bu, işimizi sevməyimizdən irəli gələn bir prinsipdir.

Bazarda fəaliyyət göstərən tərcüməçi sayının hər il artmaqda olduğunun fərqindəyik. Lakin onların arasında kimlərin Sizin tərcümə işlərinizi keyfiyyətli və doğru şəkildə görə biləcəyini biz bilirik və onların yazı qabiliyyəti bizə daha çox tanışdır.

Hər bir insan öz ana dilini bilsə də, onların arasında bu dili bütün incəliklərinə kimi bilənlər daima bir addım öndədirlər. Öz mətnlərinizi peşəkarlara redaktə etdirmək istəyirsinizsə, bu işi bizim ixtiyarımıza buraxın.

Biz işi həcminə və dərinliyinə görə qiymətləndiririk. Qiymət siyasətimizin əsasını faydalı iş əmsalı təşkil edir. Tərcüməyə təqdim etdiyiniz mətnlərin qiymətləndirilməsini işə sərf olunacaq zaman və insan əməyinə görə hesablayırıq.

Müştəri bizim üçün hər zaman şirkətin ən önəmli məsləhətçisidir. Onun verdiyi rəy tərcümə sahəsindəki mövqeyimizi və xidmət səviyyəmizi daima təkmilləşdirməyə imkan yaradır. Bir sözlə, Sizin rəyləriniz bizim inkişafımızdır.

Vaxtın düzgün idarə edilməsi mexanizminin bizim işimizdə xüsusi bir yeri var. Necə ki vaxt qızıldır, söz də doğru yerində istifadə edildikdə dəyər qazanır. Bu üstünlüyümüzü sınaqdan keçirib təəssüratlarınızı bizimlə bölüşə bilərsiniz.

Bizə tərcümə üçün təqdim etdiyiniz hər bir məlumatı göz bəbəyimiz kimi qoruyuruq. Bunu təmin etmək üçün isə texnologiyaya sərmayə qoyuruq. Məlumatlarınızın etibarlı şəkildə qorunacağından əmin ola bilərsiniz. Bu, işimizin tərkib hissəsidir.